Rúni Rasmussen

Leiðarar kunnu fáa gagn av at taka til sín orðatøk. Orðatøk eru setningar, sum lýsa lívsroyndir og sannroyndir, og sum fleiri fólk taka til sín. Páll Isholm hevur givið út savn við orðatøkum við heitinum Føroysk orðatøk (2022). Savnið inniheldur nógv og fjølbroytt orðatøk, bólkað í evni. Havi tikið 10 orðatøk úr savninum, sum eg haldi eru góð og gagnlig hjá leiðarum at grunda á og taka við í leiðsluarbeiði. Tey eru:

Hann, ið árla rísur, verður um mangt vísur

Tað er í andróðri, at vøddarnir harðna

Tað nyttar ikki at leiða mann, ið ikki vil seta føturnar undir seg sjálvan

Har gott fólk er, kemur gott fólk til

Hann vinnur, ið treiskur er

Tungur er tigandi róður

Teimum, tú nýtir gott av, skalt tú rósa

Sólin skínur á tey djørvu

Ver móti øðrum, sum tú vilt, tey skulu vera móti tær

Við at gleða onnur, gleðir tú teg sjálvan